Hvernig hljómar þú? Málþing um haturstjáningu á netinu

Málþingið „Hvernig hljómar þú?“ fer fram í Öskju (N-132 í Háskóla Íslands) miðvikudaginn 28. október klukkan 12:30-16:30. Þemað er: haturstjáning á netinu.

Jón Gnarr opnar þingið áður en sérfræðingar stíga á svið og miðla þekkingu sinni á samskiptum og haturstjáningu á netinu. Einnig verða kynnt verkefni og árvekniátök sem eru ýmist í vinnslu eða farin af stað.

Skúli Bragi Geirdal fer með fundarstjórn.

Málþingið er hluti af árlegri Miðlalæsisviku, sem haldin er í fjórða sinn á Íslandi dagana 26.–31. október.

Viðburðurinn er opinn öllum og þátttaka er ókeypis. Sætafjöldi er þó takmarkaður og því er nauðsynlegt að skrá sig fyrir fram. Skráðu þig hér.

Boðið verður upp á kaffi og léttar veitingar.

__________________________________