SEXAN
Stuttmyndakeppni
Hvað er sexan?
Sexan er stuttmyndakeppni sem Neyðarlínan hefur haldið síðan 2023 ásamt samstarfsaðilum.
Því miður var ekki hægt að halda keppnina árið 2026. Fyrirkomulagið er í endurskoðun en stefnt er að því að keppnin komi aftur enn þá sterkari strax 2027.
Ekki hika við að hafa samband ef þið eruð með einhverjar spurningar.
Hvernig tek ég þátt?
Fyrirkomulag Sexunnar hefur verið einfalt. Þátttakendur fá fræðslu í skólum og/eða félagsmiðstöðvum um ákveðin viðfangsefni og fá tækifæri til að búa til og skila inn tilbúinni stuttmynd, hámark 3 mínútur að lengd.
Viðfangsefni keppninnar eru 4 birtingarmyndir haturstjáningu:
- samþykki
- nektarmynd
- tæling
- slagsmál ungmenna
Auk þess hefur verið opinn flokkur fyrir allt það sem þér finnst mikilvægt að allir krakkar í 7. bekk viti um.
Hvernig á myndin að vera?
- Best er að hafa myndina í „landscape“ formatti (16:9) og að upplausnin sé í 1920x1080px eða hærri.
- Settu lógó SEXUNNAR í lok myndarinnar (sem endaskilti). Hægt er að sækja það hér neðar á síðunni.
- Mundu að skráin sem þú skilar þarf að sýna heiti stuttmyndar, nafn skólans þíns og bekkjarins.
Hvernig veit ég hvað viðfangsefnin þýða?
Kennsluleiðbeiningar
Dómnefnd og sigurmyndir
Þátttakendur hafa haft frjálsar hendur með handritagerð, framkvæmd og eftirvinnslu. Hver skóli hefur mátt senda að hámarki 3 myndir í keppnina en dómnefnd skipuð fulltrúum ungmennaráðs, RÚV, MMS og kvikmyndagerðar valdi svo þrjár bestu stuttmyndirnar sem verða sýndar bæði í bíóhúsum, á vef UngRÚV og dreift í alla grunnskóla landsins sem fræðsluefni.
Vinningsmyndirnar 2025 voru sýndar í Bíóparadís á Barnakvikmyndahátíð í oktobór. Auk þess voru vinningsmyndirnar sendar í alla skóla á landinu og notaðar í fræðsluskyni fyrir 7. bekkinga.
Vinningashafar 2025
Njarðvíkurskóli er sigurvegari Sexunnar 2025!
Nú eru úrslit Sexunnar 2025 orðin ljós en það var Njarðvíkurskóli sem vann með stuttmyndinni Áhrif eineltis. Í öðru sæti var Hólabrekkuskóli með stuttmyndina Slagsmál en þriðja sæti hlaut Rimaskóli fyrir stuttmyndina Stafræn sár.
Hvatningarverðlaun Sexunnar eru einnig veitt fyrir eftirtektarverða tækninotkun, efnistök eða aðferðir. Í ár hlaut Hrafnagilsskóli Hvatningarverðlaun Sexunnar fyrir að tefla fram leikurum af erlendum uppruna í burðarhlutverk og sýna á skýran hátt hvernig ungmenni geta leitað aðstoðar í tilfellum stafræns ofbeldis.
Sexan er jafningjafræðsluverkefni sem ætlað er að fræða ungt fólk um birtingarmyndir stafræns ofbeldis. Viðfangsefni stuttmyndanna er tæling, nektarmynd, samþykki eða slagsmál ungmenna.
Hér fyrir neðan má sjá verðlaunamyndir Sexunnar 2025.
Vinningashafar 2024
Smáraskóli vinningshafi Sexunnar 2024
Smáraskóli í Kópavogi var atkvæðamikill en nemendur í 7. bekk Smáraskóla hrepptu 1. sæti og 2. sætið auk hvatningarverðlauna.
Sigurmyndin heitir „Vinur í raun,“ stuttmyndin í 2. sæti heitir „Tæling“ og Í þriðja sæti var Hólabrekkuskóli með stuttmyndina „Samþykki.“
Hvatningarverðlaun Sexunnar 2024 voru veitt í fyrsta skipti en stuttmyndin „Segðu frá“ var best að mati dómnefndar.
Kvikmyndagerðarfólkinu tókst að varpa ljósi á þemað í keppninni en myndin hvetur ungmenni til að segja einhverjum frá, hvort sem það er lögregla, kennari eða vinur af því að það er besta leiðin til að hjálpa öðrum í erfiðum aðstæðum.
Vinningashafar 2023
Sexan stuttmyndakeppni var haldin í fyrsta skipti vorið 2023 og fór þátttaka fram úr björtustu vonum.
Selásskóli sigraði Sexuna 2023 með stuttmyndinni „Friend request.“ Tæling var viðfangsefni upprennandi kvikmyndagerðarkvennanna sem heita Karen, Agatha, Sara, Sigrún, Iza Sara, Anna, Dalía og Karmen.
Í öðru sæti var stuttmyndin „Samþykki“ frá Heiðarskóla, Reykjanesbæ og þriðja sæti hlaut Suðurhlíðarskóli fyrir stuttmyndina „Tæling.“
Við óskum sigurvegurum innilega til hamingju og þökkum öllum sem tóku þátt!
Samstarfsaðilar
Ríkislögreglustjóri
Jafnréttisskóli Reykjavíkurborgar
Samband íslenskra sveitarfélaga
Jafnréttisstofa
Miðstöð menntunar og skólaþjónustu
Barna- og fjölskyldustofa
RÚV
Fjölmiðlanefnd
Samskiptaráðgjafi íþrótta- og æskulýðsstarfs
Barnaheill
Heilsueflandi grunnskóli