Aldurstakmark:
13++
Hlutfall notenda á aldrinum 14-16 ára á Íslandi: 34%
Hlutfall notenda á aldrinum 10-13 ára á Íslandi: 47%- Samskiptamiðill sem er svipaður og Messenger en byggir á símanúmerum en ekki samfélagsmiðlareikningum
- Hægt er að senda texta- og raddskilaboð, myndir, myndbönd, radd- og myndsímtöl
- Miðillinn verður sífellt vinsælli meðal barna og ungmenna á Íslandi og eru dæmi um að hópspjöll bekkja og íþróttaliða fari fram á WhatsApp
- Hver sem er getur sent þér skilaboð eða bætt þér í hópa á WhatsApp ef hann er með símanúmerið þitt – hægt er að stilla svo aðeins tengiliðir geti bætt þér í hóp
3 staðreyndir um WhatsApp
Býður upp á samskipti við ókunnuga
Ólíkt Messenger þá er WhatsApp tengt símanúmerum notenda. Þetta þýðir að hver sá sem er með símanúmer notandans getur haft samband við hann í gegnum forritið, nema öryggisstillingar takmarki það.
Skilaboð í WhatsApp eru dulkóðuð
WhatsApp dulkóðar einkaskilaboð sem þýðir að einungis sendandi og mótttakandi geta lesið skilaboðin. Dulkóðunin eykur friðhelgi einkalífs notenda, en takmarkar jafnframt möguleika foreldra til að fylgjast með samskiptum barna sinna í forritinu.
WhatsApp halar sjálfkrafa niður efni sem notandi fær sent
Þetta þýðir að börn geta fengið í hendurnar mikið magn efnis á skömmum tíma sem appið hleður sjálfkrafa niður. Slíkt niðurhal getur kostað farsímagögn (e. Mobile data) og getur efnið verið óviðeigandi eða jafnvel skaðlegt. Hægt er að koma í veg fyrir þetta með því að breyta niðurhals- og geymslustillingum (e.Storage and data settings)
