Snapchat
Snapchat er samfélagsmiðill þar sem notendur geta sent hvorum öðrum skilaboð eða „snöpp“ í formi texta eða hljóðs, myndir og myndbönd sem hverfa yfirleitt eftir að hafa verið skoðuð. Forritið er einkum notað til hversdagslegra samskipta milli vina en notendur þess geta einnig deilt efni í gegnum sögu (e. story). Forritið bíður upp á mismunandi leiðir til að breyta myndefni, svosem með síum (e. filters) eða límmiðum (e. stickers).
Aldurstakmark:
13+
Hlutfall notenda á aldrinum 14-16 ára á Íslandi: 84%
Hlutfall notenda á aldrinum 10-13 ára á Íslandi: 24%- Samskiptamiðill þar sem samtölin hverfa samtímis
- Hægt er að senda texta- og raddskilaboð, myndir, myndbönd, radd- og myndsímtöl.
- Eiginleikar eins og „streaks“ hvetja undir daglega notkun
- Það að samskipti hverfi getur ýtt undir áreitni og leynileg samtöl
- Staðsetningareiginleikar (Snapmap) geta gefið upp staðsetningu notandans
3 staðreyndir um Snapchat
Efnið hverfur – en ekki endilega fyrir fullt og allt
Þótt efni sem er sent yfir eða birt á Snapchat hverfi sjálkrafa geta móttakendur tekið skjáskot af efninu eða tekið myndband af skjánum þegar efnið er skoðað. Notendur fá tilkynningu um það frá Snapchat þegar mótttakandi tekur skjáskot af efni frá þeim en það kemur ekki í veg fyrir að efnið sé vistað.
Mögulegt að sjá staðsetningu notenda í rauntíma
Með Snap Map geta notendur deilt staðsetningu sinni með vinum sínum í rauntíma. Hjá sumum notendum er sjálfgefið kveikt á þessu og því mikilvægt að foreldrar viti hvernig á að slökkva á eða stilla hverjir geta séð staðsetningu barnsins.
Býður upp á samskipti við ókunnuga
Ungir notendur geta fengið skilaboð á Snapchat frá fólki sem það þekkir ekki, sérstaklega ef stillingar leyfa víðtæk samskipti eða ef notendanafni er deilt áfram. Mikilvægt er að fara yfir persónuverndar- og samskiptastillingar reglulega.
