Discord
Discord er samskiptaforrit sem byggir á texta-, radd- og myndspjalli innan svokallaðra þjóna (e. servers). Upphaflega voru það helst tölvuleikjaspilarar sem notuðu Discord en í dag eru notendur mun fjölbreyttari hópur fólks.
Aldurstakmark:
13+
Hlutfall notenda á aldrinum 14-16 ára á Íslandi: 33%
Hlutfall notenda á aldrinum 10-13 ára á Íslandi: 11%- Samskiptamiðill sem er vinsæll meðal einstaklinga sem spila tölvuleiki saman eða hópaspjöll vina
- Hægt er að eiga samskipti í einstaklingsspjöllum, hópspjöllum, radd- og myndsímtölum
- Spjallsvæðin eru kölluð „servers“ og geta innihaldið allt frá tveimur notendum upp í mörg þúsund
- Spjallsvæðin geta bæði verið lokuð (e. private) eða opin (e.public)
- Notendur spjallsvæðana setja reglur þeirra sjálfir og því eru mismunandi hópar með mismunandi reglur – þ.a.l. eru dæmi um spjallsvæði á Discord sem eru ekki við hæfi barna
3 staðreyndir um Discord
Samskipti fara fram í lokuðum rásum
Undir hverjum og einum þjóni er að finna fjölda mismunandi lokaðra rása (e. channels) þar sem samskipti eiga sér stað. Foreldrar geta ekki séð þessi samskipti nema barn þeirra sýni þeim þau sérstaklega. Einelti og áreitni getur auðveldlega þrifist í lokuðum rásum.
Stjórnendur og reglur mismunandi milli þjóna
Hver þjónn á Discord hefur sína eigin stjórnendur (e. moderators) og reglur. Sumum þjónum er vel stýrt en lítið sem ekkert eftirlit getur verið með öðrum þjónum sem eykur líkur á að skaðlegt efni fái að standa þar óáreitt.
Öryggisstillingar ekki endilega sjálfkrafa stilltar
Á Discord geta notendur fengið einkaskilaboð frá fólki á sama þjóni, jafnvel þótt þeir þekki það ekki ásamt því að rekast á óviðeigandi efni á miðlinum. Hægt er að stilla hvort við sjáum efni sem hefur verið merkt óviðeigandi og það hver getur sent okkur einkaskilaboð (e. DMs) undir Content & Social í stillingum appsins. Stillingarnar eru ekki endilega stilltar sjálfkrafa á þegar aðgangur er stofnaður.
