Fagfólk
Fagfólk gegnir lykilhlutverki þegar kemur að því að fræða börn og ungmenni um félagslegt netöryggi og miðlalæsi
Með markvissri leiðsögn má efla færni ungs fólks til að fóta sig í stafrænum heimi á öruggan og ábyrgan hátt. Á þessari síðu geta kennarar og annað fagfólk nálgast fjölbreytt fræðsluefni sem nýta má til stuðnings í kennslu.
Réttindi barna og persónuvernd
European Schoolnet
European Schoolnet er samstarfsvettvangur menntamálaráðuneyta í Evrópu sem styður skóla og fagaðila við að innleiða nýsköpun og stafræna tækni í menntun. Markmiðið er að efla hæfni til kennslu og náms í takt við þarfir 21. aldar með rannsóknum, þróunarverkefnum og stuðningi við aukið samstarf meðal evrópskra skólastofnana. Netvís tengist European Schoolnet í gegnum Insafe, tengslanet netöryggismiðstöðva í Evrópu.
Better Internet for Kids
Netvís styður við evrópska framtakið Better Internet for Kids, sem byggir á stefnu Evrópusambandsins um öruggara og betra stafrænt umhverfi fyrir börn og ungmenni (BIK+). Á vef Better Internet for Kids má nálgast fróðleik um netöryggismiðstöðvar, öryggi og réttindi barna á neti, ásamt fræðsluefni sem nýta má í kennslu.
Fræðsluefni
Hér fyrir neðan er að finna fjölbreytt fræðsluefni til stuðnings í kennslu
Rannsóknarskýrslur
Forsenda þess að hægt sé að þróa og bjóða upp á vandaða fræðslu er að gerðar séu kannanir með reglubundnum hætti. Fræðsluefni Netvís byggist alltaf á nýjustu rannsóknum sem liggja fyrir hverju sinni.
Skráning í Tengslanet um
upplýsinga- og miðlalæsi
Netvís leiðir Tengslanet um upplýsinga- og miðlalæsi (TUMI)
Hlutverk tengslanetsins er að auðvelda upplýsingaskipti milli þeirra aðila sem vinna að upplýsinga- og miðlalæsi á Íslandi og greiða fyrir samstarfi meðlima. Aðilar tengslanetsins miðla þar þekkingu, rannsóknum, verkefnum og öðrum úrræðum sem tengjast tengslanetinu.